Zona të tëra të Tiranës kanë mbetur pa energji dhe pa ujë si pasojë e defekteve në stacionet e shpërndarjes së energjisë elektrike dhe ato të pompimit të ujit. Kështu, një defekt në stacionin e pompimit në Bërxull dhe Laknas ka lënë pa ujë disa zona.
Sipas UKT-së, do të ketë kufizime në Fushë-Mëzes, fshatrat Bërxull dhe Domje, Yzberisht, Kodër Kamëz. Kufizime do të ketë edhe në rrugën dytësore në autostradën Tiranë – Durrës.
Ndërkohë, një zjarr që përfshiu nënstacionin e Kasharit sot rreth orës 02.35 ka shkaktuar djegien e fidrave 20 kilovolt. Si pasojë, OSHEE-ja njofton se zonat pa energji elektrike do të jenë një pjesë e Kamzës, Kasharit dhe e autostradës në të dyja kahet, deri në Vorë, Yzberishti, Mëzes dhe Unaza e Re.
OSHEE bën të ditur se zjarri është shuar me ndihmën e zjarrfikësve, dhe aktualisht po punohet për riparimin e dëmit, i cili vlerësohet i përmasave serioze, pasi do të duhen disa orë për kthimin në punë të 20 fidrave të djegur dhe vënien në punë të Nënstacionit Kashar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
