Ishte janar kur u fol për herë të parë për Mada 9, supermakina e parë nga Afganistani.
Një vend ku, nën regjimin taleban, mund të kenë degraduar të drejtat e njeriut, por që tregon se në sektorë të tjerë si industria e makinave mund të ketë dritë në fund të tunelit.
Asokohe u publikua një video e makinës në rrugë pa detaje të mëtejshme.
Dhjetë muaj më vonë, i njëjti model u shfaq në Motor Show në Gjenevë, pasi ndryshoi emrin në Simurgh.
Makina është krijuar nga kompania me bazë në Afganistan, Entop, dhe CEO i saj, Mohammad Reza Ahmadi, pagoi 130 mijë dollarë, për të marrë hapësirën e saj në panairin e Gjenevës.
Sipas tij, vetura, pavarësisht pamjes ekzotike, ka katër cilindra motori është i huazuar nga një Toyota Corolla e vitit 2004, i montuar në qendër. Megjithatë, detajet teknike mbeten ende të panjohura.
Makina përbëhet nga materiale sintetike shumë të lehta, ndërsa pezullimi përdor teknologjinë e Formula 1.
Në fakt, vetë CEO thotë se shpreson të mbledhë 43.2 milionë dollarë për të përfunduar zhvillimin e Simurgh dhe për të marrë pjesë në garën historike 24-orëshe.
“Ne planifikojmë të fillojmë shitjet pasi Simurgh të kalojë nëpër Le Mansh, ku mund të testohet dhe vërtetohet”, tha Ahmadi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
