Mediat serbe shfrenojnë fantazinë, përfshijnë Haradinajn në “planin për rrëmbimin” e Cecës

Mediat serbe vijojnë të shkruajnë lidhur me një skenar për rrëmbimin e këngëtares Ceca, ish-gruaja e Arkanit.

Sipas gazetës “Kurir”, e cila në numrin e djeshëm shkruante se pas këtij plani qëndrojnë një grup shqiptarësh, ata e kanë planifikuar këtë rrëmbim si hakmarrje për kërkesën e Serbisë për ekstradimin e Rramush Haradinajt.

Sipas “Kurir”, shërbimet sekrete daneze kanë përgjuar disa biseda të ish-anëtarëve të UÇK-­së, të cilët janë vendosur në Kopenhagen ku ndodhet Ceca dhe kanë planifikuar rrëmbimin dhe vrasjen e saj.