Gjermania është tronditur sot nga një lajm tragjik nga Solingen, një qytet prej 160 mijë banorësh në afërsi të Dyseldorfit dhe Këlnit, dhe që është i njohur historikisht vetëm për prodhimin e shpatave dhe thikave cilësore.
Sipas autoriteteve policore, një grua 27- vjeçare dyshohet se ka vrarë 5 fëmijët e saj, para se të tentonte vetëvrasjen duke u hedhur përballë një treni. Mamaja ka mbijetuar, edhe pse paraqet plagë të rënda që po trajtohen në spital.
Ndërkohë forcat policore u njoftuan me telefon nga gjyshja e të vegjëlve, u nisën urgjentisht në banesën ku kishte ndodhur ngjarja makabre por nuk arritën në kohë për të shpëtuar 5 fëmijët me moshë një, dy, tre, gjashtë dhe tetë-vjeçare.
Nuk dihet ende modaliteti dhe arsyet e tragjedisë, por autoritetet do të mbajnë një konferencë shtypi në orët në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
