Rumania: Sulmet ruse në kufirin tonë, të pajustifikuara dhe të paligjshme

Rumania ka dënuar ashpër sulmet ruse kundër infrastrukturës civile në Ukrainë që ndodhën mbrëmë pranë kufijve të vendit.

"Ministria e Mbrojtjes Kombëtare e Rumanisë monitoroi në kohë reale situatën ajrore pranë kufijve shtetërorë gjatë sulmeve ruse mbi disa objekte dhe elementë të infrastrukturës civile ukrainase mbrëmë.

 Ne i dënojmë fuqishëm këto sulme të pajustifikuara dhe të paligjshme”, tha ministria për mbrojtjen e Bukureshtit në një mesazh në Twitter/X.

Ndërkohë nga ana tjetër ministri i Jashtëm rus, Sergej Lavrov, në një konferencë për shtyp pas bisedimeve me homologun e tij tunizian Nabil Ammar tha se Finlanda po bëhet një nga vendet në ballë të fushatës anti-ruse të Perëndimit.