Shefi i zyrës së Zelensky-t: Nuk ka gjasa që lufta të përfundojë në pranverë

Hipoteza se fundi i luftës në Ukrainë mund të vijë në pranverë tingëllon si një ëndërr, por ne duhet të jemi më realistë. 

Kështu deklaroi shefi i zyrës së presidentit ukrainas, Andriy Yermak, duke komentuar fjalët e zëvendësministrit ukrainas të mbrojtjes, Volodymyr Gavrylov, në Forumin Ndërkombëtar të Sigurisë në Halifax.

Kjo fjali e zëvendësministrit të mbrojtjes tingëllon si një ëndërr. Sigurisht, miliona ukrainas ëndërrojnë që kjo luftë të përfundojë sa më shpejt të jetë e mundur. Megjithatë, unë do të jem më realist. Nuk jam gati të them se cila do të jetë dita dhe ora e saktë kur të fitojmë. Por kjo do të ndodhë patjetër. Çdo minutë të çdo dite, ne bëjmë gjithçka që është e mundur që fitorja jonë së bashku me partnerët tanë të vijë sa më shpejt të jetë e mundur.