Pas dështimit të negociatave mes palëve politike në vend, ambasadorët kanë nisur sërish takimet. Ambasadori amerikan, Donald Lu, pati një takim në mesditë me kryeministrin Rama. Pas përfundimit të takimit në Kryeministri, Lusë iu bashkua edhe ambasadorja e BE-së, Romana Vlahutin, për një takim me kreun e Kuvendit, Ilir Meta.
Po sot, ambasadorët e vendeve të BE-së zhvilluan një takim informues me ambasadoren Vlahutin. Kriza politike dhe dështimi i negociatave që sollën në Tiranë David McAllister dhe Knut Fleckenstein ka bërë që diplomatët të mobilizohen sërish në përpjekje për të afruar palët me njëra-tjetrën.
Ndërkohë, nga kampi i opozitës nuk vijnë sinjale pozitive se mund të ketë lëvizje nga qëndrimet e deritanishme. Kreu i PD-së, Basha, tha sot se demokratët dhe aleatët e tyre do ta përshkallëzojnë protestën deri në mosbindje civile në të gjithë vendin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
