Policia ka arrestuar sot 74-vjeçarin Hekuran Gjoni, i cili dje vrau me thikë të birin Asim Gjoni, 37 vjeç.
Ngjarja e rëndë ndodhi në rrugën “Ilia Shyti” te Kodra e Priftit në Tiranë. Sipas “bluve” bëhet fjalë për një konflikt me motive të dobëta.
Në njoftimin e Policisë, ndër të tjera thuhet:
“Goditi me një mjet prerës djalin e tij i cili për pasojë humbi jetën, Policia ve në pranga autorin. Sekuestrohet në cilësinë e provës materiale mjeti prerës. Specialistët për Hetimin e Krimeve të Rënda në bashkëpunim me Komisariatin e Policisë Nr. 4 bënë arrestimin në flagrancë të shtetasit H. Gj., 74 vjeç, banues në Tiranë. Arrestimi i këtij shtetasi u bë pasi mbasditen e djeshme, gjatë një konflikti të çastit për motive të dobëta, ka goditur me mjet prerës djalin e tij shtetasin A. Gj., i cili si pasojë ka humbur jetën në spital".
Materialet i kaluan Prokurorisë, për veprime të mëtejshme procedurale, për veprën penale të “Vrasjes për shkak të marrëdhënieve familjare”, në ngarkim të shtetasit Hekuran Gjoni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
