Vijon tragjedia për familjen Haxhiaj në fshatin Asim Zeneli në Gjirokastër.
Pas bashkëshortit që u dogj nga zjarri i 3 gushtit, këtë të mërkurë ka ndërruar jetë edhe bashkëshortja.
Burime për MCN bëjnë me dije se Tatiana Haxhiaj kishte pësuar djegie në 80% të trupit, ndërsa prej disa ditësh ndodhej në spital për të marrë mjekim.
60-vjeçarja bëhet kështu viktima e dytë e zjarreve në Shqipëri.
Kujtojmë se çifti i bashkëshortëve ishte duke luftuar me flakët të cilat kishin përfshirë vreshtat, por fatkeqësisht pësuan djegie të rënda në trup.
Andrea Haxhiaj humbi jetën në vendin e ngjarjes, ndërsa bashkëshortja e tij që prej 3 gushtit po luftonte për jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
