Udhëheqësi i grupit të Shtetit Islamik, ISIS, është vrarë në një sulm të forcave speciale amerikane gjatë natës në Veriperëndim të Sirisë, tha presidenti Joe Biden.
Shefi i Shtëpisë së Bardhë u shpreh se me vdekjen e Abu Ibrahim al-Hashimi al-Qurayshi “është zhdukur një kërcënim i madh terrorist për botën”.
Të paktën 13 persona u vranë në sulm, duke përfshirë gjashtë fëmijë dhe katër gra. Bomba që vrau civilët u shpërthye nga një udhëheqës i ISIS-it.
Operacioni kishte në shënjestër një ndërtesë banimi dykatëshe në periferi të qytetit të Atmeh të kontrolluar nga opozita, i cili është në provincën veriore të Idlibit dhe ndodhet pranë kufirit me Turqinë.
Rajoni është një bastion i grupeve xhihadiste që janë rivalë të ashpër të IS-it, si dhe fraksioneve rebele të mbështetura nga Turqia që luftojnë qeverinë siriane.
Raportet e inteligjencës kishin vërtetuar se Kurejshi jetonte me familjen e tij në katin e dytë të ndërtesës së banimit në Atmeh dhe se ai kurrë nuk dilte jashtë.
Ai përdorte shpesh korrierët për të dërguar urdhrat e tij në celulat e IS në Siri dhe gjetkë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
