Përfaqësuesi i Lartë për Politikën e Jashtme të Bashkimit Evropian, Josep Borrell, ka mbërritur në Kinë për një vizitë treditore, të shtyrë disa herë gjatë vitit, gjatë së cilës do të takohet, ndër të tjera, me ministrin e Jashtëm Wang Yi, për të trajtuar konfliktet në Lindjen e Mesme dhe Ukrainë, tensionet e Pekinit me Tajvanin si dhe padyshim marrëdhëniet dypalëshe dhe çështjet e tregtisë.
Vizita vjen në kulmin e luftës midis Izraelit dhe Hamasit, me Pekinin që deri më tani ka bërë thirrje për një armëpushim duke dënuar dhunën kundër civilëve nga të dyja palët.
Pikërisht sot Borrell do të takohet me homologun e tij, Wang Yi, për dialogun e dymbëdhjetë strategjik midis Kinës dhe Bashkimit Evropian dhe më pas kreu i diplomacisë evropiane do të flasë në Universitetin e Pekinit.
“Gjatë vizitës, Përfaqësuesi i Lartë do të ketë takime të mëtejshme me një gamë të gjerë bashkëbiseduesish”, thotë BE-ja, dhe vizita është e fundit në një seri takimesh të rëndësishme të nivelit të lartë ndërmjet BE-së dhe Kinës, të cilat duhet të kulmojnë në Samitin BE-Kinë më vonë këtë vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
