Ministri i Brendshëm, Sandër Lleshaj, dhe drejtori i përgjithshëm i policisë, Ardi Veliu, kanë udhëtuar sërish drejt Shkodrës. Ata kanë zhvilluar një takim në prefekturë me drejtues të policisë dhe prokurorisë.
Lleshaj e Veliu janë pritur nga prefekti i ri i qarkut Shkodër, Valdrin Pjetri.
Vizita e ministrit të Brendshëm në Shkodër, e treta brenda pak ditësh, mendohet se ka në qendër ngjarjet e ditëve të fundit në qytetin verior dhe ecurinë e hetimeve për zbardhjen e tyre.
Dy javë më parë, në Shkodër u vranë vëllezërit Astrit dhe Brahim Balili. Ngjarja që tronditi banorët e Shkodrës u pasua me lëvizjen e disa prej drejtuesve të policisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
