Kreu i Komisionit hetimor për CEZ-in, Taulant Balla, në mbledhjen e radhës, ka kërkuar paraqitjen vullnetare të dy dëshmitarëve kyçë lidhur me këtë çështje. Balla u bëri thirrje Nuel Kalajt dhe Arben Doçit të paraqiten vullnetarisht në cilësinë e dëshmitarit në mbledhjen e radhës, të hënën.
“Në të kundërt, - tha Balla, - do të kërkojmë sjelljen e tyre me forcë nga policia”.
“Komisioni hetimor i bën thirrje shtetasit Nuel Kalaj të paraqitet me dëshirë. Edhe Arben Doçi, drejtor i Parandalimit të Pastrimit të Parave në vitin 2009-2010, kur ka ndodhur transaksioni, të paraqitet për të dhënë dëshminë e tij. Nëse Nuel Kalaj nuk paraqitet, do të vijojmë me personat që kanë dijeni, siç është edhe zoti Shkëlzen Berisha”, tha Balla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
