Darka e mbrëmjes së të dielës mes Ramës dhe Metës ka zgjatur rreth 4 orë. Kreu i qeverisë dhe kreu i Kuvendit u takuan në një restorant peshku te Pazari i Ri në kryeqytet.
Pavarësisht se nga takimi nuk janë bërë të ditura detaje, “BalkanWeb” raporton se i pari që ka dalë nga restoranti në orën 00:47 të mëngjesit të sotëm ka qenë Rama, i shoqëruar nga kryebashkiaku i Tiranës, Erion Veliaj.
Ndërkohë që pas tyre (ora 00:55) ambientet e restorantit i kanë lënë kreu i LSI-së, Ilir Meta, i shoqëruar nga ministri i Drejtësisë, Petrit Vasili.
Edhe pse nuk dihet nëse gjatë takimit është arritur ndonjë marrëveshje konkrete për koalicionin e katër viteve në vijim, ajo që ra në sy ishte fakti se katër protagonistët dolën nga lokali të ndarë në dy grupe sipas forcave që përfaqësojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
