“U bllokuam në rrënojat e Titanik për 30 minuta”, ish-gazetari rrëfen eksperiencën që për pak i mori jetën

Michael Guillen, ish-gazetar televiziv, ka rrëfyer se si ai "për pak vdiq" në një nëndetëse që ngeci në rrënojat e Titanikut në vitin 2000. Ndërsa përpjekjet vazhdojnë për t'i gjetur pesë personat që ndodhen në nëndetësen e nisur drejt rrënojave të Titanik ditën e dielë përpara se të mbarojë oksigjeni i tyre, ish-redaktori shkencor i ABC, Michael Guillen zbuloi përvojën e tij të tmerrshme në vitin 2000, kur u bë korrespondenti i parë televiziv që vizitoi rrënojat nën Oqeanin Atlantik jashtë Newfoundland. Në videon e shpërndarë nga Guillen tregohet se si anija u ndesh nga një rrymë e fortë nënujore që e shtyu atë drejt helikave 21 tonëshe të Titanikut. Ekuipazhi u përpoq të largohej mbrapsht - në atë moment u dëgjua një zhurmë ndërsa copa mbeturinash u panë duke rënë nëpër ujë. Ekipi përfundimisht arriti të lirojë nëndetësen dhe ta nxjerrë atë në sipërfaqe, por Guillen tha se aksidenti "për pak më mori jetën". Guillen ishte në një nëndetëse të quajtur Mir 1 e cila u ndërtua në 1987. Duke shkruar në librin e tij të vitit 2021 “Besimi është duke parë”, Guillen tha: 'Më dukej se po shkonim drejt helikës shumë shpejt - dhe, më keq, duke përshpejtuar. Më vonë, mësova se nëndetësja jonë u kap aksidentalisht nga një rrymë e thellë nënujore që lëvizte me shpejtësi. Një sekondë më vonë, Mir 1 u përplas në helikën e Titanikut. Ndjeva tronditjen e përplasjes: mbeturinat e ndryshkura ranë mbi nëndetësen tonë, duke e errësuar pamjen tonë". Guillen tha se kaluan 30 minuta dhe ekipi po përpiqej të largonte nëndetësen duke e 'lëvizur përpara dhe mbrapa, përpara dhe prapa' për të 'na shkundur nga pozicioni ynë i ngecur'. Në këtë pikë ai filloi të mendonte se ata nuk do t'ia dilnin. Por ai tha se ai papritmas ndjeu sikur një "prani e padukshme" kishte hyrë në nëndetëse dhe "menjëherë më pas gjithçka u qetësua" përpara se motori "të pushonte së zhurmuari" dhe u ndje sikur ata po notonin përsëri. Ekipi kishte arritur të çlironte Mir 1 nga helika, por Guillen pranoi se edhe sot ai nuk e kishte kuptuar plotësisht se si i kishte mbijetuar incidentit. Guillen, i cili është i krishterë, shkroi gjithashtu se si ai "përjetoi praninë dhe paqen e Zotit pikërisht kur unë u dorëzova për ti dhënë lamtumirën jetës time". Nëndetësja e OceanGate, “The Titan”, tani është e vetmja nëndetëse me pesë persona në botë që mund të arrijë Titanikun. Anija kontrollohet nga një pult si i Playstation, megjithëse nuk ka një sistem GPS dhe udhëhiqet nga mesazhet me tekst të dërguara nga një ekip mbi ujë. Korrespondenti i CBS, David Pogue, i cili ka udhëtuar në bordin e një prej zhytësve, ka thënë se do të ishte e pamundur për ata që janë brenda saj të shpëtojnë pa ndihmë. Pasagjerët u mbyllën brenda kapsulës nga 17 bullona që u vendosën nga jashtë dhe mund të hiqeshin vetëm nga një ekuipazh i jashtëm, tha ai dje për BBC. "Nuk ka asnjë rezervë, nuk ka asnjë mjet shpëtimi - do të dalë në sipërfaqe ose do të vdesë," tha Pogue. Ndërkohë, një shkrimtar që bëri udhëtimin me nëndetësen Titan vitin e kaluar tha se nuk është 'optimist' për kërkimin e OceanGate . Mike Reiss tha se komunikimi humbi gjithashtu dhe gjatë zhytjes së tij në Titanik. Reiss tha: 'Unë nuk jam optimist vetëm sepse e di logjistikën e saj. Dhe unë e di vërtet se sa i gjerë është oqeani dhe sa shumë i vogël është nëndetësja. Pra, ideja është, nëse është poshtë në fund, nuk e di se si dikush do të jetë në gjendje ta aksesojë atë, aq më pak ta sjellë atë përsëri sipër. Ka një shpresë se është më afër sipërfaqes. Nëndetësja turistike e zhdukur mësohet të ketë humbur kontakt ndërsa ishte afër Titanikut. Stockton Rush, shefi ekzekutiv i OceanGate - që organizoi udhëtimin - besohet të jetë anëtari i pestë i ekuipazhit. Besohet se nëndetësja ka oksigjen të mjaftueshëm për të qëndruar nën ujë deri në orën 12:00 të së enjtes me orën e Mbretërisë së Bashkuar (7 e mëngjesit EST).