Portugezët votuan sot për të zgjedhur mes kalimit në një qeveri të qendrës së djathtë ose mbajtjes së qendrës së majtë në pushtet. Megjithatë, asnjëra duket se nuk e ka të shtruar rrugën për një shumicë të qartë.
Votimi tregoi se pesha e partisë së ekstremit të djathtë Chega është shtuar dhe mund të luajë një rol kryesor në bisedimet paszgjedhore.
Fushata u dominua nga debati për çështje si kriza e strehimit, pagat e ulëta, rënia e kujdesit shëndetësor dhe korrupsioni.
Qendrat e votimit u hapën në orën 8 të mëngjesit (0800 GMT) dhe u mbyllën në orën 19:00 në Portugalinë kontinentale dhe një orë më vonë në arkipelagun Azores.
Pjesëmarrja në zgjedhje ishte rreth 60%.
“Është një shenjë se ka pasur pjesëmarrje më të madhe të qytetarëve dhe kjo është ajo që synohet në zgjedhje”, tha Fernando Anastacio, zëdhënës i komisionit zgjedhor portugez. Abstenimi po bie dhe është një shenjë e mirë”.
Zgjedhjet, të cilat erdhën nga dorëheqja e kryeministrit socialist Antonio Costa mes një hetimi për korrupsion katër muaj më parë, vunë përballë njëra-tjetrës dy partitë e qendrës - Partia Socialiste (PS) dhe Partia Socialdemokrate (PSD) - që janë alternuar në pushtet që nga fundi i diktaturës fashiste pesë dekada më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
