Policia ka arrestuar autorin e atentatit me eksploziv që tronditi një natë më parë zonën e “Vasil Shantos” në Tiranë.
Autori i atentatit me eksploziv është identifikuar dhe arrestuar sot nga Policia. Sipas policisë ai është Arben Bardhi dhe është arrestuar në qytetin e Lezhës.
Bardhi po tentonte t’i fshihej arrestimit, por kjo ishte e pamundur pasi policia kishte dijeni për vendodhjen e atentatorit dhe ka bërë të mundur arrestimin e tij.
Një natë më parë në Rrugën “Mihal Popi” në Tiranë në katin e dytë të një banese është vendosur një sasi lënde plasëse.
Ngjarja ndodhi rreth orës 21:00, por fatmirësisht ajo nuk ka shkaktuar viktima, por vetëm dëme materiale.
Autori dyshohet se ka një konflikt të vjetër pronësie me pronarin e banesës, i cili është Vasil Stavro.
Të njëjtës familje i është vendosur edhe më parë lëndë eksplozive si dhe i është djegur një automjet.
Po ashtu saktësohet se konflikti ka lindur pas blerjes së apartamentit që ishte i sekuestruar prej një banke të nivelit të dytë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
