Policia e Korçës sekuestroi në kufirin e gjelbër Shqipëri Greqi, 121 pako me lëndë të dyshuar si narkotike kanabis sativa.
Droga u gjet në vendin e quajtur "Piramida 54", Vidohovë, e ndarë në dy çanta sportive dhe një thes.
Policia bën me dije se 121 pakot e mbështjella me letër natriban, dyshohet se janë me lëndë narkotike Cannabis Sattiva.
Nga ana e shërbimeve Policore Shqiptare në bashkëpunim me Policinë Greke, janë koordinuar veprimet dhe po vijon puna për identifikimin dhe kapjen e autorëve, si edhe dokumentimin e plotë të ngjarjes.
Specialistët e Seksionit për Narkotikët në DVP- Korçë, po kryejnë veprimet e nevojshme proceduriale të rastit dhe peshimin e sasisë të lëndës së dyshuar narkotike.
Materialet për hetime të mëtejshme do t'i referohen Prokurorisë të Rrethit Gjyqësor Korçë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
