Partia Demokratike ka vendosur të shtyjë protestën e radhës të parashikuar më 31 maj, për shkak që siç thotë PD, kjo datë përkon me Natën e Kadrit, një datë e shënuar në muajin e Ramazanit.
Protesta e 7 kombëtare e opozitës është parashikuar të mbahet pas dy ditësh, më 2 qershor në orën 19:00.
“Nisur nga fakti qe data 31 Maj është Nate Kadri, në respekt të besimtarëve myslimanë dhe nisur nga fakti që data 1 Qershor është dita e fëmijëve, protesta kombëtare do të mbahet më datë 2 Qershor 2019, ora 19.00, përpara Kryeministrisë”, thuhet në njoftim.
Edhe pse Partia demokratike e justifikon shtyrjen e mbajtjes së protestës me Natën e Kadrit, një ditë më parë në letrën publike drejtuar kryeopozitarit Basha, kreu i qeverisë Edi Rama lajmëroi shtyrjen e çeljes së fushatës elektorale për zgjedhjet e 30 qershorit, për shkak të protestës së opozitës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
