Një shqiptar i ka mbyllur llogaritë me drejtësinë italiane, për t’u kthyer në Shqipëri, ku do të bëhej baba. Fatjon Katiaj rezultonte në kërkim prej vitit 2012, për grabitjen e dy prostitutave.
Pas hetimeve, policia e shpalli në kërkim si “grabitësi me biçikletë”, për shkak të mjetit me të cilin lëvizte kur u grabiti dy prostitutave 250 euro nën kërcënimin e armës.
Pas kësaj ngjarjeje, ai ishte kthyer në Shqipëri deri në korrik të këtij viti, kur ka udhëtuar drejt Italisë, pa e ditur që atje ishte në kërkim.
30-vjeçari shqiptar ishte dënuar në mungesë me 1 vit e 10 muaj burg nga Gjykata e Xhenovas.
Pas arrestimit, ai ka bashkëpunuar me policinë në mënyrë që ta lejonin të kthehej, pasi gruaja e tij priste një fëmijë.
Për të bindur gjykatën se kishte ndryshuar, ai ka bërë një doancion për Komunën e San Benedettos. Pas kësaj, ai është liruar dhe kthyer në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
