Drejtori i Qendrës së Botimeve Albanologjike dhe Enciklopedike, Mariglen Kasmi deklaroi në emisionin “Aranutistan” në MCN TV se Xhafer Deva urdhëroi në 4 shkurt 1944 pushkatimin e shumë shqiptarëve. Ndër të tjera ai tregoi se Deva bashkëpunoi me shërbimin sekret jugosllav, UDB-në, me qëllim rrëzimin e Enver Hoxhës.
Ka dokumente gjermane që Xhafer Deva merr vendim për të ndihmuar ushtrinë gjermane në tërheqje. Figuron që kundër qeverisë së Enver Hoxhës bashkëpunonte edhe me UDB-në. Çfarë synime kishte UDB-ja? Të rrëzohej qeveria e Enver Hoxhës, çfarë do ndodhte në këtë vend? Dritë-hijet ngelin. Në vitin 56 është larguar drejt SHBA-ve dhe ka punuar si ndihmës/profesor në një laborator biologjie. Gruaja e tij, gjermanë përshkruhej si grua inteligjente, punonte në bibliotekën e universitetit. Amerikanët do bashkëpunonin me këdo në kuadër të Luftës së Ftohtë për të rrëzuar një regjim komunist, nuk është Xhafer Deva i pari”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
