Në 24 orët e fundit janë identifikuar 9 raste të reja me koronavirus në vendin tonë. Numri total i të prekurve deri tani ka shkuar në 989, ndërsa mbrëmjen e së shtunës ndërroi jetë një paciente, duke e çuar në 32 numrin e viktimave që nga fillimi i pandemisë në Shqipëri.
Rastet e reja janë: 5 raste në Tiranë, 3 në Durrës dhe 1 në Shkodër. Sipas specialistes së Institutit të Shëndetit Publik, Marjeta Dervishi, aktualisht në Spitalin Infektiv janë 15 pacientë të shtruar.
Nga fillimi i epidemisë janë kryer mbi 14 mijë testime molekulare dhe serologjike. Deri më sot janë konfirmuar pozitivë me COVID-19 në të gjithë vendin 998 qytetarë. Prej tyre, rreth 79% janë të shëruar. Në vendin tonë aktualisht janë 177 persona aktivë me COVID19, kryesisht në Tiranë, Durrës Krujë, Shkodër.
Shpërndarja gjeografike e rasteve aktive:
Tiranë 60
Durrës 53
Krujë 27
Shkodër 11
Berat 10
Kamëz 9
Fier 4
Elbasan 1
Mirditë 1
Korçë 1
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
