Këngëtari Petrit Vullkani i cili u bë i njohur me këngën për fushatën e Partisë Socialiste ‘Përpara’ ishte i ftuar në emisionin “Zgjohu me MCN”.
Teksa ka folur për sukseset e tij ai u ndal te kënga me kryeministrin për të cilën u shpreh se e ka pritur mjaft mirë faktin që do këndonte me Ramën në fushatë, këngë për të cilën shprehet se e ka bërë dhe dhuratë për PS.
Sa i përket karrierës së tij Petriti shprehet se ka filluar të këndojë që në moshën 8 vjeçare, ndërsa klipin e parë e ka realizuar kur ishte vetëm 11 vjeç.
Kënga ‘Përpara’ ka ecur mirë dhe normalisht më kanë njohur njerëz që s’më njihnin. Përpara lindi nga disa miq të kryeministrit u bë dhuratë në fakt për fushatën e PS-së. Kur më thanë e prita shumë mirë sepse është kënaqësi të këndosh me kryeministrin tonë.
Aktualisht kam shumë materiale të mia, por dhe me dasma merrem kryesisht në korrik fillon sezoni, si dhe jam i punësuar pranë ansamblit të teatrit Skampa në Elbasan. Kam nisur të këndoj që në moshën e vogël 7-8 vjeç dhe babain dhe xhaxhain i kam muzikant. Klipin e parë e kam bërë 11 vjeç.
Ndihma më e madhe për mua ka qenë im atë i cili gëzohet më shumë dhe për sukseset e mia. Materiali im i radhës është një klip i bukur që pritet të dalë së shpejti, kam mbi 300 videoklipe te miat në youtube.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
