Shkrimtari irlandez Paul Lynch fitoi çmimin ‘Booker 2023’ të dielën për romanin e tij "Profet Song", historia e një familjeje dhe një vendi në prag të katastrofës ndërsa një qeveri imagjinare irlandeze shkon drejt tiranisë.
Romani, i pesti i Lynch-it, synon të tregojë trazirat në demokracitë perëndimore dhe indiferencën e tyre ndaj fatkeqësive të tilla si shpërthimi i Sirisë.
"Që nga ajo trokitje e parë në derë, 'Profet Song' na detyron të largohemi nga vetëkënaqësia, ndërsa ndjekim gjendjen e tmerrshme të një gruaje që kërkon të mbrojë familjen e saj në një Irlandë që po shkon drejt totalitarizmit", tha Esi Edugyan, kryetare e gjyqtarëve të Booker's 2023. "Ky është një triumf i rrëfimit emocional, të guximshëm".
Lynch, tha se donte që lexuesit të kuptonin totalitarizmin. "Doja të thelloja zhytjen e lexuesit në një shkallë të tillë që deri në fund të librit, ata jo vetëm ta dinin, por ta ndjenin vetë këtë problem," tha Lynch në komentet e publikuara në faqen e internetit Booker Prize .
Ai u bë autori i pestë irlandez që fitoi çmimin Booker, pas Iris Murdoch, John Banville, Roddy Doyle dhe Anne Enright, thanë organizatorët e konkursit. Shkrimtarja irlandeze e Veriut Anna Burns fitoi në vitin 2018.
Fituesit e kaluar të Booker, i cili u dha për herë të parë në 1969 përfshijnë Margaret Atwood , Salman Rushdie dhe Yann Martel.
"Profet Song" është botuar në Mbretërinë e Bashkuar nga Oneworld, e cila gjithashtu fitoi çmimin në 2015 dhe 2016 me "A Brief History of Seven Killings" të Marlon James dhe "The Sellout" të Paul Beatty.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
