Bashkimi Evropian është dakortësuar të Shtunën për një zgjatje të kontratës me Pfizer-BioNTech për një potencial 1.8 miliardë doza vaksine kundër Covid-19 deri në vitin 2023.
Lajmin e ka bërë të ditur Presidentja e Komisionit Europian, Ursula von der Leyen përmes një postimi në Twitter ku shkruan se zyra e saj "sapo ka aprovuar një kontratë për 900 milion doza të garantuara”.
Kontrata e re, e cila ka mbështetjen e vendeve anëtare të BE-së, do të përfshijë jo vetëm prodhimin e vaksinave, por gjithashtu sigurimin që të gjithë përbërësit thelbësorë duhet të vijnë nga BE.
Komisioni Evropian aktualisht ka një portofol prej 2.3 miliardë dozash nga disa kompani, shkruan Euronews.
"Kontrata të reja dhe teknologji të tjera të vaksinave do të pasojnë," tha von der Leyen në një mesazh në Twitter.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
