SHBA-ja “nuk po e inkurajon apo mundëson Ukrainën të godasë përtej kufijve të saj”, u tha gazetarëve të mërkurën sekretarja e shtypit e Shtëpisë së Bardhë Karine Jean-Pierre. Jean-Pierre foli pas një tentative sulmi me dron në Kremlin.
Dy avionë të vegjël pa pilot u rrëzuan mbi rezidencën e punës të Vladimir Putin, njoftoi zyra e presidentit rus të mërkurën në mëngjes.
Në një deklaratë, Kremlini e përshkroi sulmin si një "aksion terrorist të planifikuar paraprakisht" nga forcat ukrainase dhe një përpjekje për të vrarë Putinin. Kievi zyrtar i hodhi poshtë këto akuza.
Forcat ukrainase kanë nisur sulme të shumta në tokën ruse që nga fillimi i operacionit ushtarak të Moskës në Ukrainë vitin e kaluar. Çdo herë, zyrtarët amerikanë kanë këmbëngulur se ata "as nuk i inkurajuan dhe as i mundësonin" sulmet, siç tha Sekretari i Shtetit Antony Blinken pas një sulmi me dron mbi objektet ushtarake ruse në dhjetor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
