Reshje breshëri në disa fshatra të Korçës, dëme të konsiderueshme në bujqësi

Pas fshatrave të Ersekës reshjet e shiut dhe breshrit kanë prekur edhe fshatrat e Korçës, kryesisht Voskop, Goskov dhe Gjonomadh.

Ende nuk dihet për dëmet e shkaktuara, por paraprakisht sipas banorëve ka dëme tek pemëtoret me fruta të zhvilluara dhe të mbjellat e sezonit.

Shiu i shoqëruar edhe me breshër zgjati afro 30 minuta. Grupet e punës kanë zbritur në terren që sot dhe do të vijojnë edhe gjatë mëngjesit të së martës për të evidentuar dëmet e shkaktuara.

Kujtojmë se si rezultat i punës së kryer ditën e sotme në Ersekë u evidentuan 10 ha me perime, dëmi 80-100%, 4000 rrënjë kumbulla dhe mollë, dëmi 80-90% dhe sipërfaqe të mëdha me drithëra, dëmi i së cilave shkon deri në 50%.