Twitter po teston butonin “Edit” që do t'ju lejojë të ndryshoni tweet-et, një opsion që nuk lejohej deri më tani dhe ishte i mundur vetëm në rrjete të tjera sociale si Facebook dhe Instagram.
Në një postim në blogun e saj, platforma specifikoi se tweet-et e redaktuara janë testuar dhe se funksioni do të zgjerohet aktualisht tek abonentët e shërbimit të saj Twitter Blue, i cili ofron përmbajtje speciale me pagesë, deri në fund të muajit.
Tweet-et mund të modifikohen "disa herë" deri në 30 minuta pas publikimit të parë. Ata do të shfaqen me një ikonë për të bërë të qartë se janë ndryshuar, përdoruesit do të mund të klikojnë në "Historia e ndryshimeve" për të parë versionet e mëparshme.
"Ashtu si çdo veçori e re, ne po e testojmë atë me një grup më të vogël përdoruesish për të marrë komente, për të identifikuar dhe rregulluar problemet e mundshme. Përfshirë mënyrën se si njerëzit mund të abuzojnë me funksionin," thekson kompania.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
