Një shtetas shqiptar është ndaluar nga policia në portin e Barit para se të largohej me target për në Shqipëri.
Sipas medias italiane shtetasi shqiptar identiteti i të cilit nuk bëhet i ditur kishte me vete në një qese një shumë të hollash, plot 193 mijë euro.
Atij më pas iu sekuestruan 91,370 euro, ose 50% të shumës që tejkalon pragun prej 10 mijë euro, të lejuar nga ligji vendas, pasi nuk i kishte deklaruar.
Kontrollet janë kryer nga financierët në Bari së bashku me zyrtarët e Agjencisë së Doganave dhe Monopolit.
Ai është pyetur nga agjentët për burimin e këtyre të ardhurave, ndërsa policia po vijon hetimet në lidhje me këtë rast.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
