Bashkimi Europian tha se është i gatshëm të zgjasë periudhën e tranzicionit pas “Brexit”-it, nëse Britania e Madhe e do këtë.
Periudha aktuale e tranzicionit, që synon të hapë rrugën për marrëdhënien e ardhshme mes Britanisë dhe unionit, është 21 muaj.
Por, me të dyja palët që po dështojnë të arrijnë një marrëveshje, kryeministrja britanike, Theresa May ka sugjeruar zgjatjen e kësaj periudhe me disa muaj.
Disa përkrahës të “Brexit”-it në Britani kanë reaguar ashpër ndaj sugjerimit, ndërsa May tha se nuk ishte duke propozuar zgjatjen e tranzicionit, por që të kesh mundësinë për ta bërë këtë do të ndihmonte në zgjidhjen e ngërçit aktual mbi kufirin irlandez.
Por një burim nga Bashkimi Europian ka thënë për BBC-në se do të duhet të ketë pasoja financiare, nëse Britania zgjat periudhën e tranzicionit.
Sidoqoftë, presidenti i Këshillit Europian, Donald Tusk foli për gazetarët në fund të samitit të Brukselit, ku nuk kishte përparim të madh në çështjen kryesore se si të shmangeshin kontrollet e reja kufitare të dukshme midis Irlandës së Veriut dhe Republikës së Irlandës pas Brexit.
“Nëse Bitania e Madhe do një zgjatje të periudhës së tranzicionit, që do të ndihmonte në arritjen e një marrëveshjeje, unë jam i sigurtë se udhëheqësit do të ishin të gatshëm ta merrnin në konsideratë këtë”, tha Tusk.
Tusk deklaroi veten në një "gjendje shumë më të mirë" se pas samitit të fundit, në Salzburg.
Jean-Claude Juncker, president i Komisionit Europian, tha në anën tjetër se zgjatja e periudhës së tranzicionit, sipas gjasave është e paevitueshme dhe është një ide e mirë, sepse do të linte vend për ravijëzimin e një marrëveshjeje afatgjatë mes Britanisë dhe BE-së.
Në konferencën e saj për shtyp pas takimit, May tha se ideja për të pasur mundësinë për të zgjatur periudhën e tranzicionit mund të jetë "një zgjidhje tjetër" për të kërkuar një "backstop" për të siguruar asnjë kufi të vështirë.
"Ajo që nuk po bëjmë, nuk qëndron këtu duke propozuar një zgjatje të periudhës së zbatimit," tha ajo.
"Ajo që po bëjmë po punojmë për të siguruar që ne të kemi një zgjidhje për çështjen e kthimit në Irlandën e Veriut", vazhdoi ajo më tej.
"Të dyja palët janë të angazhuara për zgjidhjen e çështjeve të pazgjidhura sa më shpejt që të jetë e mundur", tha ajo, duke shtuar se kishte një "ndjenjë shumë reale se njerëzit duan që kjo marrëveshje të bëhet".
Kryeministri i Irlandës Leo Varadkar tha: "Shumë gjëra janë miratuar, por ka ende mangësi të mëdha si në aspektin e marrëdhënieve të ardhshme ashtu edhe në protokollin për Irlandën e Veriut dhe Irlandën".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
