Përhapja e shpejtë e koronavirusit ka bërë që Komisioni i Venecias të vendosë për shtyrjen me të paktën dy muaj të dhënies së opinionit për dy kërkesat e ardhur nga politika shqiptare, atë të ligjit anti-shpifje dhe ndryshimeve ligjore për emërimin e anëtarëve të Gjykatës Kushtetuese.
Në lidhje me këtë të fundit, një raport paraprak i Venecias u publikua në media. Në të thuhej se ligji për emërimet e anëtarëve të Kushtetueses ishte anti-kushtetues.
Presidenca dhe qeveria janë përplasur disa herë në lidhje me këto ligje, e në veçanti me atë të ndryshimit të formulës së betimit për anëtarët e Kushtetueses. Në tubimin e thirrur nga Meta më 2 mars, Presidenti paralajmëroi se nëse qeveria nuk reflekton mbi këtë ligj, ai do të firmosë një dekret për shkarkimin e parlamentit, por të gjitha akuzat janë ‘lënë pezull’ menjëherë pas përhapjes së koronavirusit në Shqipëri.
Sesioni Plenar i radhës do të mbahet në qershor. Deri atëherë çështja shumë e debatuar mes Presidentit dhe Kuvendit të Shqipërisë do duhet të presë opinionin e ekspertëve të Komisionit të Venecias.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
