Kina nuk ka raportuar të mërkurën asnjë rast të prekur me Covid-19, duke shënuar kështu një moment historik.
BBC shkruan se lajmi është bërë i ditur nga autoritetet shëndetësore në Kinë, të cilat theksuan se 34 rastet e fundit në rajon janë të ardhura nga jashtë Kinës.
Ndërsa, në të gjithë Uhanin, u raportuan në 24 orët e fundit, vetëm tetë vdekje.
Pavarësisht kësaj, autoritetet mendojnë se duhen edhe 14 ditë të tjera pa asnjë të infektuar, që Uhanit t’i hiqen kufizimet e udhëtimit.
Lloji i koronavirusit të ri për herë të parë u shfaq në qytetin kinez Uhan më 12 dhjetor 2019, ku si pasojë shumë vende, evakuuan shtetasit e tyre të bllokuar në Kinë.
Pas shfaqjes së koronavirusit në qytetin e Uhan-it, virusi u përhap për një kohë të shkurtër edhe në qytetet tjera të vendit, ndërsa Organizata Botërore e Shëndetësisë (OBSH) e shpalli "situatë emergjente".
Kina, ka raportuar më shumë se 81 mijë të infektuar dhe mbi 3 mijë të vdekur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
