Shtyhet me një orë seanca gjyqësore në lidhje me grupin e trafikut që u zbulua pas përgjimeve të SKY, për t’u dhënë kohë avokatëve të njihen me dosjen 104 faqe.
Do të njihen sot me masat e sigurisë në Gjykatën e Shkallës së Parë, Dedan Gjoni, ish-shefi i Krimeve në Komisariatin nr.6, Erzen Breçani, ish-zëvendës drejtori i Policisë së Tiranës, si dhe Jonida Babameto, që dyshohet për shpërdorim detyre në detyrën e specialistes në zyrën qendrore të Interpol Tirana.
MCN ka siguruar dosjen e plotë, ku gazetari Arsen Rusta ka zbardhur detaje për MCN Live. Gazetari thotë se Nuredin Dumani i siguroi telefon të enkriptuar Erzen Breçanit. Elvana Gjata ka ende raport të afërt me Ervin Matën, madje ky i fundit u thotë Erzen Breçanit dhe të birit se mund të marrin 500 mijë euro që do kalonte te llogaria e këngëtares. Sa i përket korrupsionit zgjedhor del emri i Myslim Murrizit, ku Dedan Gjoni thotë se grumbullonte vota për llogari të tij në bashkinë e Kamzës.
Çfarë ka ndodhur në këtë hetim prej 104 faqesh? Rezulton që kemi akuza që nisin nga ‘trafiku ndërkombëtar i lëndëve narkotike’, në ‘sigurimi i kushteve për të kryer një vrasje’, ‘armëmbajtje pa leje’, ‘pastrimi i parave’, vepra penale të kryera në kuadër të grupit të strukturuar kriminal, e deri në korrupsion zgjedhor. Për sa i përket korrupsionit zgjedhor, ka dalë në pah se në zgjedhjet e fundit në bashkinë e Kamzës, rezulton se Dedan Gjoni, shefi i Krimeve në Komisariatin nr. 6 grumbullonte dhe bënte vota për politikanin Myslim Murrizi. Rezulton edhe përfshirja e personazheve VIP, apo e artistëve apo aktorëve. Bëhet fjalë Elvana Gjatën, e cila për herë të parë në vitin 2018 u bë publik një raport i saj me Ervin Matën. Rezulton se Ervin Mata, i njohur si ‘Boli’ dhe Elvana Gjata kanë ende marrëdhënie intime ose shoqërore mes tyre. Në një prej komunikimeve Ervin
Mata i thotë Erzen Breçanit dhe djalit të tij Eralbit, që ju mund të merrni 500 mijë euro që unë po i kaloj te llogaria e këngëtares Elvana Gjata.
Bëhet fjalë për grup të strukturuar kriminal. Do duhet që gjykata të ndaj rolet e Erzen Breçanit dhe djalit të tij, pasi sipas Kodit të Procedurës marrëdhëniet familjare nuk konsiderohen grup i strukturuar kriminal. Me Ervin Matën rezulton se kishin një miqësi pasi djali i nëndrejtorit rezulton se është bashkëshorti i motrës së Ervin Matës. Vet Erzen Breçani pretendon që jo vetëm s’është përfshirë në trafikun e drogës, por vet ai i deklaronte të birit se nuk duhet të merrej me Ervin Matës, pasi e konsideronte të infiltruar të policisë.Prova më e fortë e SPAK është deklarimi i të penduarit të drejtësisë Nuredin Durmani, që thotë po unë kam pasur komunikime me Bujar (Ajeti) Gërmizi, dhe thotë se i ka vënë në dispozicion Breçanit një telefon Sky enkro, të enkriptuar. Ky telefon sipas deklarimeve të Dumanit është përdorur nga ish-nr. dy i Policisë së kryeqytetit. Paratë që përfitoheshin nga aktiviteti kriminal dyshohet se janë investuar në biznese të Breçanit, mes të cilave një hidrocentrali në Tropojë.
Prokuroria thotë se qarkullimi i kaq shumë parave, janë para që vijnë nga aktiviteti kriminal. Verifikimi pasuror është duke u kryer, por duhet më parë të përfundojë hetimi penal, për të kuptuar përgjegjësinë penale”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
