Durrësi është përfshirë nga reshje të dendura shiu.
Reshjet nisën me intensitet të lartë gjatë mbrëmjes së sotme dhe për këtë arsye rrugët pranë kryqëzimit të stadiumit në lagjet numër 17 dhe 18, u bënë të pakalueshme, raporton korrespondentja e MCN TV.
Menjëherë niveli i ujit arriti në trotuare duke sjellë vështirësi në qarkullimin e automjeteve dhe kalimtarëve.
Përkeqësimi i motit nuk ka sjellë probleme në port, nga ku raportohet se tragetet që janë planifikuar për t’u nisur mbrëmjen e sotme drejt Italisë, do të lundrojnë sipas orarit të përcaktuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
