Pasi firmosi peticionin për Reformën në Drejtësi kreu i qeverisë Edi Rama ka dhënë përgjigjen e radhës për të ardhen e koalicionit dhe bashkëpunimin politik, me aleatin kryesor vetëm pak muaj para zgjedhjeve.
Kryeministri Rama u pyet nga mediat që, "a do të vijojë koalicioni me Metën dhe LSI-në?'
Në deklaratën e tij teksa pronocnohej për mediat pasi firmosi peticionin, Rama tha se shqiptarët kanë votuar që të qeverisen nga ky koalicion dhe do qeverisen nga ky koalicion.
“Më kujtohet që ditën e parë kur ne kemi filluar të qeverisim, pyetja e parë që është bërë ka qenë se: ‘Kur do ndaheni me LSI-në’. Përgjigja ime ka qenë dhe mbetet që ju keni të drejtën tuaj që bëni pyetje interesante për të shitur gazeta dhe konkurruar njëri-tjetrin portal më portal dhe kronikë më kronikë, por ju siguroj se ka një të drejtë më të madhe se sa e drejta juaj dhe drejta ime. Është e drejta e shqiptarëve që të qeverisen nga ata që kanë zgjedhur. Shqiptarët kanë votuar që të qeverisen nga ky koalicion dhe do qeverisen nga ky koalicion.”, tha Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
