Pasi Argita Malltezi doli nga dyert e Prokurorisë së Posaçme tha për mediat se e gjithë kjo është një tentativë për të nxjerrë institucionet publike nga kontrolli publik.
Malltezi tha se nuk e disponon videon, por i ka kërkuar Prokurorisë së Posaçme të sqarojë nëse ekziston kjo vidio.
Çdo tentativë për të mbyllur gojën e oponencës është një tentativë për të nxjerrë institucionet publike nga kontrolli publik, tentativë që do të dështojë. Është tentativë që do të dështojë.
I jam referuar shkrimeve që ekzistonin në media të paktën që prej gushtit të 2024 që e akuzonin zonjën në fjalë për ato të cilat ajo nuk i kundërshton dot dhe nuk i ka kundërshtuar mesa u lexuar në ekstraktet e atij akti.
Ajo megjithatë ka kërkuar që Dumani t’i lajë fytyrën. Vë në dukje standardin e dyfishtë të kësaj godine këtu që shumë shpejt do të kthehet në një muze të turpit.
09:11 Argita Malltezi është paraqitur mëngjesin e kësaj të enjteje në SPAK.
Në një prononcim të shkurtër Malltezi tha se është thirrur për dosjen 193/2024 dhe se do të japë një deklaratë pasi të dalë nga Prokuroria e Posaçme.
Jam thirrur për çështjen 193/2024, pasi të jap dëshminë timë do të jap një deklaratë.
Çështje 193/ 2024 ka lidhje me kallëzimin e bërë në SPAK, më 19 tetor nga ish-kryetarja e GJKKO, Irena Gjoka. Gjoka ka kërkuar që të hetohen deklaratat e Argita Malltezit, ku kjo e fundit e akuzon gjyqtaren se ka marrë 500 mijë euro.
Irana Gjoka është gjyqtarja që caktoi masat e sigurisë “arrest në shtëpi” për ish-kryeministrin Sali Berisha dhe “arrest në burg” për Jamarbër Malltezin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
