Aktori Sean Penn, po i kërkon SHBA-së që t'i bashkohet Ukrainës në luftën e saj kundër Rusisë. Penn është shprehur se “nëse nuk i bashkohemi luftës, shpirti ynë si Amerikë është i humbur".
Sean Penn është aktualisht në Ukrainë për të bërë një dokumentar rreth pushtimit rus. Të shtunën, aktori lëshoi një deklaratë në të cilën ai sulmoi Vladimir Putinin dhe e krahasoi krizën me një luftë për demokraci – edhe pse angazhimi i Ukrainës ndaj lirisë dhe vlerave demokratike mbetet i paqartë në rastin më të mirë.
“Presidenti Zelensky dhe populli ukrainas janë ngritur si simbole historike të guximit dhe parimit. Ukraina është maja e shtizës për përqafimin demokratik të ëndrrave. Nëse e lejojmë të luftojë e vetme, shpirti ynë si Amerikë humbet.”
Shumica dërrmuese e amerikanëve janë kundër përfshirjes së madhe të SHBA-së në krizën Ukrainë-Rusi. Vetëm 26 për qind thonë se duan që SHBA të luajë një rol të madh në mosmarrëveshje, sipas një sondazhi të fundit të AP-NORC.
Megjithatë, administrata Biden dhe demokratët, duke përfshirë kryetaren e Dhomës së Përfaqësuesve, Nancy Pelosi (D-CA), thonë se konflikti është një sulm ndaj demokracisë.
Sean Penn njihet për deklaratat e tij miqësore me diktatorët. Ai ishte miqësor me Hugo Chavez-in, madje e quajti diktatorin socialist të Venezuelës një "frymëzim". Ai ka takuar gjithashtu Fidel Castro të Kubës dhe bosin meksikan të drogës, El Chapo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
