Aeroporti i Rinasit vijon të jetë i bllokuar, si pasojë e grevës së punonjësve të AlbControl që merren me kontrollin ajror. Së fundmi Tirana International Aeroport ka njoftuar në faqen e saj zyrtare anulimin e fluturimeve të paradites së sotme.
Ndërkohë 28 kontrollorë, janë shoqëruar në polici. Nga ana tjetër Prokuroria ka nisur hetimet për sa i përket bllokimit të fluturimeve.
Me grevën e 65 kontrollorëve të AlbControl është pezulluar puna në Rinas, duke ndërprerë kështu fluturimet hyrëse dhe dalëse nga i vetmi aeroport ndërkombëtar që ka vendi ynë.
E gjitha nisi pas kërkesës së disa punonjësve të cilët pretendonin se janë të paaftë në punë. Më tej të gjithë kontrollorët iu bashkuan atyre duke kërkuar rikthimin e pagës në gjendjen fillestare.
Kjo ka sjellë qëndrime të forta politike ku qeveria akuzon opozitën se ka nxitur kontrollorët të bllokojnë punën në mënyrë që në vendin tonë të mos vijnë vaksinat anticovid, ndërsa nga ana tjetër opozita hedh akuza ndaj qeverisë duke pretenduar se nuk po merren parasysh kërkesat e kontrollorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
