Një gjyqtar i Gjykatës së Apelit, është konfirmuar si i prekur nga koronavirusi, çka ka bërë që gjykata të reduktojë në masë seancat e gjykimit.
Sipas konfirmimit të dhënë për TvT, mësohet se Këshilli i Gjykatës së Apelit Tiranë, vendosi reduktimin e veprimtarisë gjyqësore, duke vendosur të gjykojë vetëm çështje që i cilëson emergjente.
Kujtojmë se pak ditë më parë koronavirusi u shfaq edhe në Gjykatën e Posaçme ku pozitiv me COVID-19 rezultoi pikërisht kryetari i saj, Sandër Simoni.
Nuk është e qartë se nga e ka marrë virusin gjyqtari, por mësohet se ai gëzon shëndet të plotë, veç simptomës së rritjes së temperaturës. Në ditët në vijim i gjithë stafi i kësaj gjykate, t’i nënshtrohen analizave për të mësuar situatën e të prekurve.
Pas mbylljes së Gjykatës së Posaçme kundër Krimit dhe Korrupsionit në Tiranë, edhe gjykata e Apelit është mbyllur për shkak të rasteve Covid.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
