Drejtuesi i një kompanie administrimi objektesh në bashkëpronësi, Taulant Ahmetaj, tha në “Mcn Economy” se zënia e parkimeve është një ndër problemet më të mëdha në menaxhimin e komplekseve të pallateve. Ahmetaj thekson se kjo problematikë zgjidhet vetëm me ligj,
“Problematikat që hasim më shpesh është zënia e hapësirës së përbashkët dhe zënia e parkimeve. Parkimet janë problemi më i madh që kemi në komplekset që menaxhojnë. Vet qytetarët i zënë parkimet. Është problematikë shumë e madhe dhe shqetësuese. Zgjidhet vetëm me ligj, nëse funksionon ligji. Ka shumë konflikte që janë të përditshme, dikush është dashakeqës që i bën. Ka institucione që paguhen për të ruajtur rendin dhe qetësinë, dhe asnjë s’vepron. Sidomos në komplekse policitë ia hedhin njëra-tjetrës, jo polici e shtetit, jo private, s’mund të ndërhyjmë se është hapësirë private! Problemi më i madh është zënia e parkimeve, që janë zgjidhur me debate, konflikte. Kjo është për mungesë të ligjit.”
Sa i takon ligjit të ri për bashkëpronësinë që pritet të hyjë në fuqi, Ahmetaj tha se:
“Çmimin s’e përcakton ligji, por e përcaktojnë vet banorët, në bazë të shërbimeve që do bëjnë. Pallatet e kohës së Enverit, shumë pak kanë administratorë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
