Presidenti amerikan Donald Trump deklaroi të mërkurën se pret të takojë homologun e tij rus Vladimir Putin në Arabinë Saudite në takimin e tyre të parë që nga marrja e detyrës nga presidenti republikan.
Trump i bëri komentet pas një telefonate gati 90-minutëshe me Putinin, gjatë së cilës të dy udhëheqësit diskutuan për t’i dhënë fund pushtimit të Ukrainës nga Moska.
“Më në fund presim të takohemi. Në fakt presim që ai të vijë këtu, dhe unë do të shkoj atje, dhe ne do të takohemi ndoshta në Arabinë Saudite herën e parë, të shohim nëse mund të bëjmë diçka”, u tha Trump gazetarëve në Zyrën Ovale.
Data e takimit nuk është caktuar, por ai do të zhvillohet në të ardhmen jo shumë të largët, shtoi Trump.
Ai vuri në dukje se Princi i Kurorës Saudite Mohammed bin Salman do të marrë pjesë në takim.
Ne e njohim princin e kurorës dhe mendoj se do të ishte një vend shumë i mirë për t’u takuar.
Zëdhënësi i Kremlinit Dmitry Peskov tha gjithashtu të mërkurën se Putini ftoi Trump dhe zyrtarë nga administrata e tij të vizitojnë Moskën për të diskutuar rreth Ukrainës.
Presidenti rus e ftoi presidentin amerikan të vizitojë Moskën dhe shprehu gatishmërinë e tij për të pritur zyrtarët amerikanë në Rusi në fushat me interes të ndërsjellë, duke përfshirë natyrisht, çështjen e zgjidhjes së Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
