Një diamant i zi miliardavjeçar, që besohet të jetë diamanti më i madh i prerë në botë, është shitur për 3.16 milionë paund (4.3 milionë dollarë).
E quajtur Enigma, guri i çmuar prej 555,55 karatësh, i cili peshon pothuajse njësoj si një banane, pritej të merrte më shumë se 4,4 milionë paund në aksionin online.
Drejtuesi i ankandit Sotheby's tha se "blerësi ka zgjedhur të përdorë kriptomonedhën për blerjen". Ekzistojnë teori konkurruese rreth origjinës së gurit, duke përfshirë se ai u transportua në Tokë nga një asteroid.
Sotheby's nuk e identifikoi blerësin, por pas ankandit, sipërmarrësi i kriptomonedhave, Richard Heart, doli në mediat sociale për të pretenduar se ai ishte blerësi i Enigmas.
Ai u tha më shumë se 180,000 ndjekësve të tij në Twitter se "sapo të kryhej pagesa dhe të merrej zotërimi", perla do të riemërohej "diamanti HEX.com", duke iu referuar platformës blockchain që ai themeloi.
Sotheby's e përshkroi Enigmën si "një nga mrekullitë më të rralla kozmike miliardavjeçare të njohura për njerëzimin".
Edhe pse origjina e saktë e diamanteve të zeza është e mbuluar me mister, ato janë zakonisht rreth 2.6 deri në 3.2 miliardë vjet të vjetra, një kohë përpara se të ekzistonin dinosaurët. Vetë Toka është rreth 4.65 miliardë vjet e vjetër, pra jo shumë më e vjetër se diamantet e zeza.
#AuctionUpdate "The Enigma": This 555.55 carat Black Diamond sold today for £3,161,000 / $4,292,322. The buyer has opted to use cryptocurrency for the purchase. #SothebysJewels pic.twitter.com/ZuiL9SxET8
— Sotheby's (@Sothebys) February 9, 2022
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
