Kryeministri Edi Rama për 90 minuta ka zhvilluar një mbledhje me drejtuesit politikë të 12 qarqeve dhe kryebashkiakët socialistë për organizimin e zgjedhjeve parlamentare të 2025-ës.
Gazetari Andon Kello raportoi për edicionin e lajmeve në MCN TV se takimi i zhvilluar në ambientet e Pallatit të Kongreseve nisi rreth 14:00 dhe u përmbyll pas afro një orë e gjysmë, pas diskutimeve me kupolën e ekipit elektoral, 15 drejtues politikë të PS dhe 55 kryebashkiakët socialistë.
I pari është larguar nga mbledhja kreu i grupit parlamentar socialist Niko Peleshi, i cili mbërriti dhe i fundit. Takimi u mbajt për organizimin e zgjedhjeve.
Kryeministri Edi Rama u ka vendosur objektiv prijësve të fushatës se kërkon 1 milion vota dhe se fusha është e hapur dhe tashmë koordinatorët duhet të hidhen në betejë.
Theksi është vendosur edhe te vota e diasporës. Kryeministri ka kërkuar që të ketë një vëmendje të shtuar për votën e diasporës, sipas zonave të tyre elektorale.
Fushata edhe pse është një muaj zyrtarisht, do të jetë 9 muaj për Partinë Socialiste.
Mbledhje të tilla do të jenë rutinë tashmë, por ky është takimi i parë i ekipit të rifreskuar socialist.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
