Pak pas mesnatës, një breshëri bombash përfshiu jugun e Bejrutit, Dahieh, duke rrafshuar të paktën tre pallate me një shpërthim që i kujton të gjithëve vrasjen e Nasrallahut, liderit të Hezbollahut.
Ndërkohë raportohet për të paktën 18 persona të vranë në një kamp refugjatësh në Bregun Perëndimor, ka thënë ministria palestineze e shëndetësisë, pas një sulmi ajror që ushtria izraelite pretendoi se vrau një udhëheqës lokal të Hamasit.
Një burim brenda shërbimeve palestineze të sigurisë tha për agjencinë e lajmeve AFP se sulmi ishte më vdekjeprurës në Bregun Perëndimor që nga viti 2000.
“Tetëmbëdhjetë dëshmorë pas bombardimit të kampit Tulkarm nga okupimi”, tha ministria palestineze e shëndetësisë në llogarinë e saj Telegram.
Një aktivist në zonë i tha AFP se sulmi izraelit "godi një kafene në një ndërtesë katërkatëshe", duke shtuar se kishte "shumë viktima në spital". Al Jazeera raportoi se të vdekurit përfshinin një nënë dhe dy fëmijët e saj.
Ushtria izraelite konfirmoi sulmin në zonën Tulkarm në Bregun Perëndimor verior, duke e përshkruar atë si një operacion të përbashkët të kryer nga shërbimi i sigurisë së brendshme Shin Bet dhe forcat ajrore, sipas një deklarate të shkurtër nga ushtria.
Ushtria izraelite më vonë tha se sulmi kishte vrarë një udhëheqës të Hamasit , Zahi Yaser Abd al-Razeq Oufi dhe tha se mes të vrarëve kishte edhe “operativë” të tjerë që ishin gjithashtu aktivë në Hamas.
Ushtria akuzoi Oufin për pjesëmarrje në sulme të shumta në Bregun Perëndimor dhe tha se ai ishte në proces të planifikimit të një sulmi tjetër.
Hamasi e dënoi sulmin ajror, duke e quajtur atë një "sulm mizor" që do të rezultonte të ishte një "përshkallëzim i rrezikshëm".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
