Komisioni Rregullator nuk merr përsipër të vendosë për “fatin” e fletës së votimit.
Pas më shumë se dy orë diskutime, anëtarët, në një mendje, vendosën të shpallin moskompetencën.
Me pesë vota pro, përfaqësuesit argumentuan se një vendimmarrje e tillë nuk i takon Rregullatorit, por Komisionerit Shtetëror të Zgjedhjeve.
Përndryshe, Ilirjan Celibashi kishte propozuar që fleta e votimit në zgjedhjet e 25 prillit të jetë me emra dhe jo me numra. Ky është varianti që kërkoi Partia Demokratike, ndryshe nga PS-ja që ishte për identifikimin me numra.
Por pasi kreu i KQZ propozoi versionin e tij për fletën e votimit, Komisioni Rregullator bëri prapa duke thënë se nuk janë organi kompetent për ta miratuar fletën e votimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
