Zgjedhjet e radhës në Spanjë nuk arritën sërish të nxjerrin një fitues me shumicë të qartë qeverisëse. Me rreth 93% të votave të numëruara, në krye të listës është PSOE me 122 vende në Parlament, e ndjekur nga PP dhe ultra e djathta VOX me 52 vende. Ndërkohë Ciudadanos me 10 vende zbret në vendin e gjashtë, e lënë mbrapa edhe nga Esquerra Republicana me 13 vende.
E djatha Vox ka nisur festimet. “Jemi forca e tretë politike, me 52 deputetë. Ju u bëtë protagonistë të sipërmarrjes më të shpejtë të politikës spanjolle”, i tha lideri Santiago Abascal turmës së mbledhur për të festuar. "Ne ia dolëm të hapnim të gjitha debatet e ndaluara", vazhdoi ai. "Sot - tha ai - është konsoliduar një alternativë patriotike dhe shoqërore që bën thirrje për unitetin e Spanjës".
Drejtuesja e Asamblesë Kombëtare franceze, Marine Le Pen, ishte ndër të parët që uroi të djathtët e Vox në Tuiter.
"Uroj miqtë e Vox që kanë arritur një rezultat të jashtëzakonshëm. E imagjinoj që tani se çfarë do të shkruajnë gazetat nesër". Ky ishte komenti i liderit të Legës në Itali, Matteo Salvini, në emisionin "Non è l'Arena". "Unë nuk jam fashist, unë jam një italian krenar për këtë dhe dua që në shtëpinë time të hyjnë vetëm ata që kanë leje”, shtoi ai.
Zgjedhjet e mbajtura të dielën u thirrën pak më shumë se gjashtë muaj pas konsultimeve të 28 prillit, të cilat nuk arritën të bënin të mundur formimin e një qeverie. Këto janë zgjedhjet e katërta në vend në katër vjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
