Diplomati Flamur Gashi në një lidhje “Skype” nga Kosova për “Të Paekspozuarit” në MCN tha se deklarata e kryeministrit të Shqipërisë, Edi Rama për sulmin në Kosovë do çonte në pikën zero Kosovën.
Kërkesa e Ramës për një konferencë paqeje për Kosovën, sipas Gashit do të thotë plotësim i kërkesës së Vuçiçit, pasi në këtë konferencë ri diskutohet për ndarjen e territorit të Kosovës.
“Më ka bërë përshtypje në aspektin diplomatik deklarata e Ramës dhe kjo u bë publike vetëm një orë pasi ndodhi ngjarja. Organizimi i një konference paqeje për Kosovën do të kthente në pikën zero Kosovën. Në variantin më të mirë që Rama nuk është këshilluar as me këshilltarët e vetë për organizimin e një konference paqeje sepse do të sillte kërkesën e Vuçiçit gjatë gjithë këtyre viteve. Një konferencë paqeje do të thotë ri disktuim për territoret e Kosovës.”, u shpreh Gashi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
