Kolegji i gjyqtarëve kushtetues i përbërë nga Sandër Beci, Sonila Bejtja dhe Marsida Xhaferrllari vendosën që ta kalojnë për vlerësim në mbledhjen e gjyqtarëve ankesën e kryeministrisë ndaj GJKKO për pezullimin e Ministres së Infrastrukturë Belinda Balluku. Kështu ankimimi ka kaluar filtrin e parë ndërsa do të jetë mbledhja e 8 gjyqtarëve të Kushtetueses që do të bëjë shqyrtimin për të vlerësuar nëse ankimimi përmbush të gjithë kriteret.
Kolegji i Gjykatës u mblodh sot në datën 02.12.2025, sipas planifikimit, për shqyrtimin paraprak të kërkesës. Kolegji vendosi kalimin e çështjes në Mbledhjen e Gjyqtarëve për të vlerësuar nëse plotësohen bashkërisht të gjitha kriteret e pranueshmërisë së saj për shqyrtim në seancë plenare në përputhje me nenin 31 të ligjit organik të Gjykatës Kushtetuese dhe nenin 24 të Rregullores për Procedurat Gjyqësore. Vendimmarrja e Mbledhjes së Gjyqtarëve do të njoftohet rregullisht në faqen zyrtare të Gjykatës Kushtetuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
