Policia Kantonale e Thurgau-t, nga fundi i dhjetorit të vitit të kaluar kishte arrestuar dy persona të cilët kishin planifikuar plaçkitjen e një banke në këtë kanton.
Njëri prej tyre, një kosovar 27 vjeçar e ka pranuar se ka bërë plaçkitjen e Bankës Kantonale të Thurgaut në Erlen, në maj të vitit 2016, shkruan polizeineës.ch.
Tjetri, shtetas zviceran 33 vjeç por i lindur në Kosovë, ka qenë bashkëpjesëmarrës në planifikimin e plaçkitjes.
Policia Kantonale dhe Prokuroria e Përgjithshme në Bischofzell kanë zbardhur një plaçkitje banke dhe kanë parandaluar një tjetër, transmeton albinfo.ch burimin në fjalë.
Dy personat janë arrestuar pak para Krishtlindjes, vitin e kaluar, kur kanë pranuar planifikimin e plaçkitjes së një banke në Thurgau.
Ndërsa autorësinë për plaçkitjen e bankës në Erlen e ka pranuar vetëm 27-vjeçari. Të dy ndodhen në burg për hetime.
Në rastin e plaçkitjes në Erlen, nëpunësja e bankës ishte kërcënuar me një pistoletë ndërsa me rastin e arrestimeve dy të arrestuarve u janë konfiskuar, veç tjerash edhe dy pistoleta.
Hetimet e Prokurorisë në Bischofszell pritet të zbulojnë veç tjerash nëse kosovari ka vepruar si i vetëm ose të dy të arrestuarit janë përgjegjës edhe për delikte të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
