Mjeku epidemiolog, Ilir Alimehmeti, thotë se pavarësisht rihapjes së shkollave, situata e Covid-19 është stabël. Në studion e lajmeve në TvT, Alimehmeti tha se edhe pse shtatori solli shtimin e ndërveprimit social, disa indikatorë të përhapjes së infeksionit janë në rënie.
“Nuk pati ndonjë ndryshim, situata është stabël. Ka indikatorë në rënie. Përqindja e testeve që dalin pozitive, diku te 15%”, tha ai.
Duke krahasuar testet e antigjeneve me PCR, Alimehmeti tha se për shkak të kostos së ulët, ato do të ndikojnë në rritjen e zbulueshmërisë së rasteve të reja.
“Kostoja ndryshe nga PCR është më e ulët. Kjo lejon ripërsëritjen disa herë. Janë superiore sepse kanë çmim të ulët. Kanë kohë realizimi të ulët, nuk kanë nevojë për laboratorë të sofistikuar. Sensitiviteti i tyre luhatet te 80-90%. Ripërsëritja e rrit akoma më shumë saktësinë e këtij testi”, tha ai.
Mjeku epidemiolog shtoi se imuniteti te pacientët që kanë kaluar virusin shkon përtej periudhës 5-mujore që kanë përcaktuar disa studime.
“Antitrupat i kemi parë që zhvillohen te të gjithë personat. Ka një tendecë të qëndrojnë në nivele të matshme dei ne 4-5 muaj. Kjo nuk do të thotë se imuniteti u zhduk, sepse kemi edhe kujtesën në nivel qelizor”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
